Eg gir dykk denne teksten i dag. Den måtte skrivast denne óg. Denne vesle teksten, seier faktisk veldig mykje om kva eg har stridd med opp i gjennom åra, og framleis strir med.
Som akkompagnement kan de jo høyre på denn:
Døden
Døden bankar på
ruta. Den vil berre minne han på, at døra står open. Det er berre
å kome inn.
Heile livet, i alle
fall store deler av det, har han vore livredd for Døden. Denne
store, stygge, ukjente, mystiske og skremmande skikkelsen, som han
føler vil sluke alt.
Kva er då vitsen,
tenkjer han. Kvar dag tenkjer han dette. Det har sett seg i kroppen.
Ja, Døden har teke grep, både fysisk og psykisk. Han har styringa
over det meste.
Han er Døden. Døden
er han.
Kva med livet då?
Har det ikkje gitt han noko? Jau visst. Han har då både elska og
vore elska. Ingen av delene har han kunne halde ut. Døden har lege
på lur. Minna han på sin eksistens, eller kanskje heller sin mangel
på eksistens.
Han er redd. Maktar
ikkje leve. Maktar ikkje døy.
Han trekk føre
gardinene. Du får berre vente, tenkjer han. Eg kjem ikkje i dag
heller, ikkje av eigen vilje i allefall. Eg kjem aldri av eigen
vilje.
Kven er han? Døden
altså. Døden i han. Dei mørke understraumane som dreg han under,
gong etter gong.
Han kavar seg opp
att. Inn til land. Hiv etter pusten. Sveittar. Gret ein skvett. Vil
jo ikkje ha det slik.
Kvar dag, må han
kjempe seg fri.
Skage i Namdalen 12.mars 2015
Rune
Ingen kommentarer:
Legg inn en kommentar