Slik er det vel med oss alle. Vi ber på større eller mindre draumar. Ja, det treng ikkje akkurat vere at berget skal opna seg og kjeldor springa, men likevel.
Sjølv har eg vel også ein draum. Det er ein draum med mange hovud. Mellom anna drøymer eg om å bli fri. Fri frå all angst og all skuldkjensle. Det forstår eg at er ein umogeleg draum. Eg er no slik som eg er, både på godt og vondt. Sjølvsagt kan det vere von om betre dagar, noko det absolutt er også til tider.
Eg drøymer om at nokon ein gong skal forstå meg. Enno har eg vel til gode å møte eit mennesle som har gjort det. Ingen har vel prøvd på det heller. Kvar og ein har visst nok med sitt.
Eg treng tid, men det får eg aldri.
Eg drøymer om at eg skal sleppe å bu åleine resten av livet. Tenk om eg fekk ein sjanse til å vise kven eg er.
Av og til så føler eg at eg er i eit både fysisk og psykisk fengsel - eg vil ikkje vere der. Det er vondt. Svært vondt.
Skrivinga er òg ein stor draum. At det skal verta noko meir. Noko betre. Noko større. Skrivinga er avhengig av dei andre draumane. Dei om ro, om tryggleik ... Men skriv, gjer eg, dag ut og dag inn. Kanskje ...
I kveld var eg på gudsteneste att. Det gjev meg faktisk fred og ro. Der er eg trygg og der får eg syngja, der får eg tilgiving. JA, kyrkja er vel den plassen der eg føler meg mest velkomen, Der kan eg vere meg. Eg er ingen annan.
Eg har gått meg vill
kjem snublande
tilbake til deg
Du tek i mot meg
Eg gjer feil
ber om godt vær
Du tilgir meg
Eg er nede
ber om trøyst
Du har alltid eit ord til meg
Eg gret
av fortviling
Du let meg gråte
Eg er glad
som eit lite barn
Du let meg ha mi barnlege glede
Gjennom son din
Jesus Kristus
gav du meg alt dette
Takk!
Eg er din no.
----
I kveld har eg spelt ein del Bob Dylan. Min nr.1 for tida, er "I believe in you". Denne versjonen med Sinead O`Conner frå Roayl Albert Hall (1999) er berre amazing, som det heiter på nynorsk.
Sinead O`Conner - I believe in you
Låta er frå albumet Slow train comming frå 1979.
Ynskjer alle ein fin kveld :-)
Skage i Namdalen 22.mars 2015
Rune
Jeg tror ikke det er en umulig drøm å bli fri skyldfølelse og angst. Han kan fri også fra det. Og om du må slite med det iblant, så har Jesus kjent på det samme og kan "slite med deg".
SvarSlettFantastisk flott sang og tolkning! Takk for at du viste meg Dylan :-)
Takk for fine ord min ven. Ja, det er trøst i Jesus, og hans ord. Kyrkja er blitt ein viktig plass i livet mitt, og akkurat det er berre godt.
SvarSlett